హైదరాబాద్‌లో టెస్లా సందడి.. ప్రారంభమైన ఎక్స్‌పీరియన్స్ సెంటర్

  • హైదరాబాద్‌లో ప్రారంభమైన టెస్లా ఎక్స్‌పీరియన్స్ సెంటర్
  • హైటెక్ సిటీలోని నాలెడ్జ్ సిటీలో ఏర్పాటు
  • లేటెస్ట్ మోడల్ వై కార్ల ప్రదర్శన
  • భారత్‌లో టెస్లాకు ఇది ఐదో ఎక్స్‌పీరియన్స్ సెంటర్
  • బొల్లారం పారిశ్రామిక ప్రాంతంలో సర్వీస్ సెంటర్ కూడా ఏర్పాటు
ప్రముఖ ఎలక్ట్రిక్ వాహన తయారీ సంస్థ టెస్లా, హైదరాబాద్ నగరంలో తన కార్యకలాపాలను లాంఛనంగా ప్రారంభించింది. మాదాపూర్‌లోని హైటెక్ సిటీలో దీనిని ఏర్పాటు చేశారు. దేశంలో టెస్లా ఏర్పాటు చేసిన ఐదో కేంద్రం ఇది కావడం విశేషం. ఈ కేంద్రం ద్వారా వినియోగదారులు టెస్లా వాహనాలను, వాటిలోని అత్యాధునిక సాంకేతికతను మరియు విశిష్టమైన డిజైన్‌ను ప్రత్యక్షంగా పరిశీలించే అవకాశం ఉంది.

ఈ సెంటర్‌లో టెస్లా తన సరికొత్త 2026 మోడల్ వై లైనప్‌ను ప్రదర్శనకు ఉంచింది. ముఖ్యంగా మోడల్ వై ప్రీమియం రియర్-వీల్ డ్రైవ్, మోడల్ వై లాంగ్ వీల్‌బేస్ (6-సీటర్) వేరియంట్లు ఇక్కడ అందుబాటులో ఉన్నాయి. ఆసక్తి గల వినియోగదారులు టెస్ట్ డ్రైవ్‌లు చేయడంతో పాటు, వాహనాలకు సంబంధించిన పూర్తి సమాచారాన్ని నిపుణుల ద్వారా తెలుసుకోవచ్చు. కేవలం ప్రదర్శనకే పరిమితం కాకుండా, విక్రయాలు, డెలివరీ మరియు సర్వీస్ వంటి సేవలను అందించేందుకు బొల్లారం ఇండస్ట్రియల్ ఏరియాలో మరో ప్రత్యేక కేంద్రాన్ని కూడా టెస్లా సిద్ధం చేసింది.

భారత్‌లో తన మార్కెట్‌ను విస్తరించే వ్యూహంలో భాగంగా టెస్లా ఈ కొత్త సెంటర్‌ను అందుబాటులోకి తీసుకువచ్చింది. ఇప్పటికే గురుగ్రామ్, ఢిల్లీ, ముంబై మరియు బెంగళూరు నగరాల్లో టెస్లా ఎక్స్‌పీరియన్స్ సెంటర్లు విజయవంతంగా కొనసాగుతున్నాయి. ప్రముఖ టెక్నాలజీ హబ్‌గా పేరొందిన హైదరాబాద్‌లో ఈ సెంటర్‌ను ప్రారంభించడం ద్వారా దక్షిణ భారతదేశంలో తమ ఉనికిని మరింత బలోపేతం చేసుకోవాలని కంపెనీ ఆకాంక్షిస్తోంది.

Tesla
Hyderabad
Tesla Experience Center
Electric Vehicles
Tesla Model Y
Hitech City

More Telugu News